Lourizán denunciará á depuradora (de Praceres) no Xulgado

A confraría decide tomar medidas drásticas contra as verteduras de residuais á ría

Redacción La Voz de Galicia | Marcos Gago, Marín 11.02.2015

A asemblea da confraría de Lourizán acordou esta tarde a interposición por un presunto delito ambiental contra a depuradora dos Praceres. As mariscadoras mostrarán así o seu rexeitamento ao ocorrido onte cando sen previo aviso foron desaloxadas da praia porque se ía a producir unha vertedura autorizada por Augas de Galicia con motivo dunhas obras no emisario submarino. Esa vertedura estaba programado que se repetise hoxe. A confraría considera que os responsables da depuradora incumpriron presuntamente algúns dos termos da autorización de Augas e queren que sexa un xuíz quen o aclare. Tamén sinalaron que é inconcibible que Augas de visto e prace a unha vertedura de residuais sobre un banco marisqueiro. As mariscadoras están tamén á espera do resultado das análises de mañá para saber se poderán volver traballar o vindeiro martes.

Fonte: Xornal La Voz de Galicia. Artigo orixinal:  Lourizán denunciará á depuradora no Xulgado.